សូមមើលទង់ជ័យ ឆព្វណ្ណរង្សីដែលមានរស្មីភ្លឺស្រស់ល្អ
ប្រទេសតូចធំ បានស្ម័គ្រស្វាគមន៍ ជំនុំគ្នាច្រើនអនេក
ព្រមយករស្មីព្រះពុទ្ធគួរត្រេក ប្រសើរពន់ពេកក្រៃកន្លង។
ធ្វើជាសញ្ញាទង់ជ័យសាសនា នៃព្រះសម្ពុទ្ធធំចម្បង
គួរយើងរាល់គ្នាចិត្តចាំចង នឹកដល់ព្រះអង្គជាអម្ចាស់។
ទោះជាតិផ្សេងគ្នាក៏ត្រូវដឹងថា សុទ្ធសឹងតែជាពុទ្ធសាសន៍
ត្រូវមានសាមគ្គីទាំងក្មេងទាំងចាស់. ប្រឹងប្រែងឲ្យណាស់គ្រប់ៗគ្នា។
សូមសាសនាពុទ្ធថ្កុំថ្កើងបំផុត រុងរឿងវិសុទ្ធិថ្លៃថ្លា
ហើយមានជ័យជោគសាយពេញលោកា ដោយចិត្តជ្រះថ្លាច្រើនសែនលាន។
មានចិត្តស្នេហាគោរពបូជា ចំពោះព្រះធម៌ដ៏កល្យាណ
ទាំងមុស្សទេវតាស្នេហាគ្រប់បា្រណ បា្រថ្នាចង់បានសេចក្តីសុខ។
យើងខេមរជាតិនាំគ្នាខ្មីឃ្មាត កាន់ធម៌នឹងបានផុតទុក្ខ
រួបរួមសាមគ្គីពីនេះទៅមុខ ទើបនឹងបានសុខក្សេមក្សាន្តត្រាណ ។
ព្រមព្រៀងប្រព្រឹត្តតាមធម៌សុចរិត ឆ្ពោះទៅកាន់ ស្ថាននិញ្វន
ជាទីផុតទុក្ខបានសុខក្សេមក្សាន្ត ជាតិយើងនឹងបានសោយសុខា៕
